En 2024, RIA e Finsa impulsaron concurso internacional de ideas para o futuro da Panda da Dá un baseado nun proceso de planificación conxunto, co obxectivo de consolidar este predio de 410 ha en As Pontes de García Rodríguez como un espazo de oportunidades para a xestión sostible do territorio.

Unha exposición en Casa RIA recolleu os froitos deste proceso, analizando os máis de 30 anos de historia do lugar e mostrando como a cadea da madeira pode xerar valor engadido e axudar a coidar o territorio.

Tras o fin da mostra na sede da fundación en Santiago de Compostela, esta viaxou por diversas centrais de Finsa e complementouse cunha serie de obradoiros dirixidos ao seu persoal.

Nestas sesións, o equipo de RIA compartiu o proceso de planificación e a convocatoria do concurso, mentres que os estudios de arquitectura gañadores presentaron o novo proxecto de futuro para o predio, recollendo as achegas do persoal.