Manuel Rodríguez, director da fundación, participou na conversa  “As aldeas como espazo de oportunidade”, xunto a representantes da Fundación Juana de Vega, da Asociación Veciñal de Puxedo e dos concellos de Carballeda de Avia e Vilariño de Conso.

Neste espazo presentouse o traballo desenvolvido en Muimenta e Penedo, dúas aldeas nas que RIA e a Fundación Juana de Vega colaboran para apoiar ás administracións na reactivación de poboacións en situación de abandono mediante a recuperación da actividade económica e a mellora da calidade de vida.

En Muimenta, o desenvolvemento dun concurso de arquitectura para a creación dun novo centro social, a reforma da praza da Festa ou a creación dunha cociña comunitaria cun comedor asociado son algunhas das actuacións levadas a cabo, nunha aldea que pretende ser un exemplo replicable noutras poboacións rurais.