A conversa, titulada «A cultura do deseño», abordará o deseño desde unha perspectiva ampla, explorando o seu papel na sociedade contemporánea e a súa capacidade para influír na maneira en que entendemos e habitamos o mundo.

O encontro convidará a reflexionar sobre como o deseño se comunica, se expón e se interpreta, así como sobre o papel que desempeñan as institucións culturais na súa difusión. Tim Marlow, historiador da arte e director do Design Museum de Londres, dialogará con David Chipperfield nunha conversa aberta arredor da cultura do deseño e da súa presenza na vida pública.

«Deseño en conversa» é un ciclo de catro encontros no marco do programa público da exposición actual en Casa RIA, concibido como un espazo de diálogo arredor do papel do deseño na vida cotiá.

O ciclo reúne a Maite Sebastiá, Tim Marlow, Edward Barber e Alice Rawsthorn, que conversan con David Chipperfield sobre distintas dimensións do deseño: os obxectos que nos acompañan arredor da mesa, a cultura do deseño, o oficio e o deseño como actitude.