As pequenas iniciativas alimentarias dependen, en boa medida, da capacidade de establecer relacións e traballar en rede. Compartir infraestruturas, recursos e coñecementos, facilitar o acceso aos mercados ou coordinar diferentes fases da cadea pode abrir novas posibilidades para producir e transformar alimentos a escala local.

Neste contexto, Carme Freire, da Asociación Darredor, e Adrián Gallero, da Fundación Daniel e Nina Carasso, achegarán as súas experiencias arredor da construción de sistemas alimentarios conectados co territorio.

A conversa abordará as condicións necesarias para fortalecer estas redes: a creación de estruturas de colaboración, o acceso a infraestruturas e recursos compartidos, a articulación entre produtores e outros axentes e a construción de modelos de gobernanza capaces de xerar valor e manter actividade económica no territorio.

A experiencia de Daquí Darredor, un proxecto apoiado pola Fundación Daniel e Nina Carasso a través de KmTierra, permitirá reflexionar tamén sobre o papel das entidades facilitadoras e sobre as posibilidades de conectar iniciativas locais nun mercado alimentario global.