Cultivar é tamén construír paisaxe. As especies e variedades que se seleccionan, os lugares onde se cultivan e os coñecementos asociados ao seu coidado forman parte dun patrimonio vexetal que se transforma e transmite ao longo do tempo. A biodiversidade cultivada fala así dunha relación entre territorio, cultura e alimentación.

Vicente Todolí, da Fundación Todolí Citrus, afondará nestas relacións a través do traballo desenvolvido pola institución arredor da conservación e estudo dos cítricos. A colección de especies e variedades da fundación permitirá abordar o valor das plantas cultivadas como patrimonio, fonte de coñecemento e elemento capaz de activar novas formas de comprender e coidar a paisaxe.