A actividade contará coa participación de Rodrigo Escobedo, deseñador e fundador de La Metropolitana, unha organización multidisciplinaria dedicada ao deseño, á fabricación e ao desenvolvemento de sistemas produtivos relacionados coa transformación da madeira.

O encontro propón unha conversa arredor da madeira, a produción, o deseño e a cultura material contemporánea, tomando a experiencia de La Metropolitana como punto de partida para conectar realidades de Galicia e México.

A xornada abordará cuestións como a relación entre industrias e talleres, a perda de oficios, a rehabilitación e a construción dunha identidade material desde o local.

Debido á capacidade limitada da sala, é necesaria reserva previa a través do correo eventos@casaria.org, indicando nome e apelidos dos asistentes.