A Fundación RIA nace no ano 2017 co obxectivo de comprender o territorio de Galicia en toda a súa complexidade e explorar estratexias capaces de abordar os retos presentes e futuros. Achegándose ao territorio desde a primeira liña, coas persoas que o habitan, traballan e estudan, RIA ven dando forma a unha metodoloxía centrada no proceso, no modo no que se toman as decisións, tratando de crear marcos de traballo estratéxicos de forma colaborativa.

Casa RIA é o noso novo espazo de debate, reflexión e proposta. Esta mostra inaugural, titulada “Un enfoque territorial”, presenta os principios de RIA para o futuro de Galicia, unha visión construída ao longo dos últimos sete anos de actividade.